Zâr bülbüller gül-i ra'nâyı benden bildiler
Nazlı güller bülbül-i şeydâyı benden bildiler

Çok zaman Hak lutf edip giydim ferâgat tâcını
Bir zaman şâd olmadım pervâyı benden bildiler

Nâz ü istiğnâna gark oldum gelip mâşûkalar
İlm-i resm-i nâz ü istiğnâyı benden bildiler

Gerçi çoklar kıssa-i Mecnûnu yâd eyler durur
Hayli Mecnunlar sorup sahrâyı benden bildiler

Öyle vasf-ı bâde ettim la'lin ilhâmıyla kim
Rind zâhid tüm cihan sahbâyı benden bildiler

Sun'-i Hak'tan sarhoş oldum sandılar fâsık beni
Seyr-i mihrâb eyledim takvâyı benden bildiler

Lutf çoktur şükr nâkıs bildim ammâ Müştekî
Mahlasım şâhid tutup şekvâyı benden bildiler